Hipergate (Groupware e Xestión de Clientes)

Hipergate é un conxunto de aplicativos de código aberto baseadas en web, deseñadas como ferramenta de traballo en grupo para unha rede corporativa ademais de proporcionar funcionalidades propias dun CRM (Xestor de relacións co cliente).

Trátase dun aplicativo modular que inclúe ferramentas de traballo colaborativo, xestión de contactos, xestión de proxectos, xestor de incidencias, tenda virtual, xestión de contidos...
Todos os aplicativos poden funcionar de xeito independente ou conxunto e están accesíbeis dende o navegador sen necesidade de descargar ningún software no posto cliente.


Hipergate ten capacidade multientidade e pode utilizarse indistintamente para dar servizo a unha empresa, a un grupo de empresas, ou en modalidade ASP para aloxar un número ilimitado de entidades cliente diferentes.


Hipergate está baixo licenza HGPL.

Instrucións para a instalación e descarga do aplicativo

Documentación

Descarga

IMPORTANTE!

Dada a complexidade do proceso de integración dos sistemas ERP e CRM é preferible que na súa implantación interveña persoal especializado. Deste xeito garántese unha maior produtividade e facilidade de uso. Pode poñerse directamente en contacto con hipergate para localizar un distribuidor autorizado galego. Tamén ten á súa disposición o directorio de empresas galegas de Software Libre permanentemente actualizado e dispoñíbel no web de Mancomun.org ou dende o directorio de hipergate.