Pentaho (Open Source Business Intelligence)

O Pentaho BI Project é un conxunto de aplicativos de código aberto con capacidades de Business Intelligence; é dicir ferramentas de análise de datos para a asistencia e axuda na toma de decisións empresariais.

Pentaho inclúe ferramentas para a xeración de informes empresariais, análise, cadro de mandos, minería de datos e fluxo de datos. A plataforma Pentaho inclúe outros proxectos libres como Kettle, Mondrian OLAP Server, JfreeReport e Weka.

As solucións de Pentaho están escritas en Java e teñen un contorno de implementación tamén baseado en Java. Iso fai que Pentaho sexa unha solución flexíbel para cubrir unha ampla gama de necesidades empresariais – tanto as xerais como as avanzadas e específicas de calquera negocio.

É distribuído baixo licenza Pentaho Public License.

Instrucións para a instalación e descarga do aplicativo

Documentación

Descarga

IMPORTANTE!

Dada a complexidade do proceso de integración dos sistemas ERP e CRM é preferíbel que na súa implantación interveña persoal especializado. Deste xeito garántese unha maior produtividade e facilidade de uso. Pode poñerse directamente en contacto con Pentaho ou Stratebi para localizar un distribuidor autorizado galego. Tamén ten á súa disposición o directorio de empresas galegas de software libre permanentemente actualizado e dispoñíbel no web de Mancomun.org